Një person ka pësuar lëndime në dorë pasi ka shkrepur aksidentalisht një pushkë ajrore në Gllogoc.

Sipas Policisë së Kosovës, rasti është raportuar më 12 qershor 2026, rreth orës 19:00. I dyshuari mashkull kosovar dyshohet se gjatë përdorimit të armës ka shkrepur aksidentalisht, me ç’rast ka lënduar gishtin e dorës së tij.

Pas incidentit, ai ka pranuar trajtim mjekësor, ndërsa policia ka ndërmarrë veprimet e nevojshme hetimore.

Me vendim të prokurorit, është konfiskuar pushka ajrore e kalibrit 4.5 milimetra, ndërsa rasti vazhdon në procedurë të rregullt.