Presidenti i FIFA-s, Gianni Infantino, ka bërë një deklaratë me tone ironike lidhur me zgjerimin e mundshëm të Kupës së Botës dhe garën e kualifikimeve.

Duke folur për formatin e turneut dhe rritjen e numrit të pjesëmarrësve, Infantino përmendi në mënyrë indirekte edhe kombëtaren e Italisë, e cila në vitet e fundit ka hasur vështirësi për të siguruar kualifikimin në Botëror.

“Nëse do të kishim një Kupë Bote me 208 skuadra, atëherë do të shihnim nëse disa ekipe kualifikohen apo jo”, u shpreh Infantino.

Deklarata e tij ka ngjallur reagime, duke rikthyer në vëmendje debatet mbi zgjerimin e turneut dhe rritjen e numrit të pjesëmarrësve në kompeticionin më të madh të futbollit botëror.