Real Madrid ka bërë një ofertë të madhe prej 150 milionë eurosh për sulmuesin e Atletico Madridit, Julian Alvarez, por klubi madrilen e ka refuzuar atë.

Sipas njoftimit zyrtar të Real Madridit, oferta është refuzuar nga Atletico, të cilët janë referuar te klauzola e lirimit të lojtarit, e cila kap shifrën prej 500 milionë eurosh.

“Real Madrid njofton se, pas mbledhjes së Bordit Drejtues, ka bërë një ofertë prej 150 milionë eurosh për Atletico Madrid për të drejtat e lojtarit Julian Alvarez. Pas shqyrtimit, Atletico Madrid ka falënderuar klubin për ofertën dhe e ka refuzuar atë, duke u referuar te klauzola e lirimit të lojtarit,” thuhet në komunikatën e klubit.

Ky zhvillim vjen një ditë pasi Florentino Perez u rizgjodh president i Real Madridit për një mandat të ri katërvjeçar, në zgjedhjet e para të kontestuara në dy dekada.

Para zgjedhjeve, Perez kishte deklaruar se klubi ishte gati të shpenzonte 150 milionë euro për një lojtar, emri i të cilit do të zbulohej të martën.

Julian Alvarez shënoi njëzet gola në dyzet e nëntë ndeshje sezonin e kaluar për Atletico Madrid, duke ndihmuar ekipin të përfundojë në vendin e katërt në tabelë.