Lidhja Demokratike e Kosovës (LDK) ka mbajtur një tubim elektoral në fshatin Stubëll të komunës së Vitisë, ku morën pjesë drejtues të degës, kandidatët për deputetë dhe mbështetës të subjektit politik.

Në këtë aktivitet ishte i pranishëm kryetari i Degës së LDK-së në Viti, Sokol Haliti, si dhe kandidatët për deputetë Vjollca Kadolli Halili, Arta Ajeti, Ibush Beqiri dhe Robert Ukaj. Në tubim morën pjesë edhe gjenerali Fadil Hadergjonaj dhe Dr. Lulzim Zeneli.

Gjatë fjalimeve të mbajtura, përfaqësuesit e LDK-së prezantuan qëndrimet dhe programin e tyre politik për zgjedhjet parlamentare të 7 qershorit, duke kërkuar mbështetjen e qytetarëve.

Organizatorët e cilësuan pjesëmarrjen në Stubëll si një tregues të mbështetjes për LDK-në në këtë zonë të Anamoravës.