Java e ardhshme në Kosovë pritet të karakterizohet me mot të ndryshueshëm, ku përveç periudhave me diell nuk do të mungojnë as reshjet e shiut të shoqëruara me vetëtima dhe bubullima. Sipas Institutit Hidrometeorologjik të Kosovës, fushat termike do të shënojnë një rënie graduale të temperaturave, ndërsa era pritet të fryjë kryesisht nga verilindja dhe veriperëndimi, me intensitet të dobët deri mesatar, por lokalisht edhe e fortë.

E hënë, 18 korrik

Moti parashihet me diell dhe vranësira të çrregullta. Gjatë ditës vranësirat mund të shoqërohen me riga shiu dhe shkarkime rrufesh.

Temperaturat minimale: 14–18°C

Temperaturat maksimale: 25–27°C

Era: e lehtë dhe lokalisht e fortë nga veriperëndimi

E martë, 19 korrik

Moti kryesisht me diell dhe vranësira të shpërndara. Në disa zona të kufizuara parashihen riga shiu.

Temperaturat minimale: 12–15°C

Temperaturat maksimale: 25–30°C

Era: nga veriperëndimi, 1–5 m/s

E mërkurë, 20 korrik

Moti me diell dhe vranësira të pakta, kryesisht rreth relievit malor.

Temperaturat minimale: 10–13°C

Temperaturat maksimale: 29–32°C

Era: kryesisht nga verilindja, 1–4 m/s

E enjte, 21 korrik

Moti kryesisht me diell dhe stabil.

Temperaturat minimale: 11–15°C

Temperaturat maksimale: 29–33°C

Era: nga verilindja, 1–4 m/s

E premte, 22 korrik

Moti fillon me diell dhe vranësira të shpërndara, por në pjesën e dytë të ditës vranësirat pritet të denden, duke krijuar kushte për reshje lokale shiu dhe shkarkime rrufesh.

Temperaturat minimale: 13–17°C

Temperaturat maksimale: 29–33°C

Era: e lehtë dhe lokalisht e fortë nga veriperëndimi.

Instituti bën apel që qytetarët të kenë kujdes sidomos gjatë orëve të pasdites, kur parashihen zhvillime të motit me reshje dhe shkarkime elektrike, ndërkohë që periudhat me diell do të mbeten dominuese në shumicën e ditëve. /Kosova.info/