Irani tha se njohuritë në fushën bërthamore “nuk mund të shkatërrohen”, pasi SHBA-ja tha se ka shkatërruar ambiciet nukleare të Republikës Islamike.

“Ata duhet ta dinë se kjo industri ka rrënjë në shtetin tonë dhe rrënjët e kësaj industrie kombëtare nuk mund të shkatërrohen”, tha zëdhënësi i Organizatës për Energji Bërthamore të Iranit, Behrouz Kamalvandi, sipas agjencisë Tasnim.

“Sigurisht, ne kemi pësuar dëme, por nuk është hera e parë që kjo industri pëson dëme”, shtoi ai.