Analisti Shenoll Muharremi ka analizuar dy teza të rëndësishme në diskursin publik të Kosovës, duke argumentuar se as pretendimi se “nuk është bërë asgjë në 20 vite” dhe as ideja e “rritjes historike të jashtëzakonshme në 3-4 vitet e fundit” nuk qëndrojnë.

Ai nënvizon se, ndonëse Kosova ka shënuar një rritje të qëndrueshme ekonomike afatgjatë me një rritje prej 309% të GDP-së për kokë banori, ky zhvillim nuk ka arritur të ndryshojë situatën e vendit si një ndër ekonomitë më të dobëta në rajon.

Muharremi thekson nevojën për konsensus të gjerë politik dhe social për të avancuar agjendën ekonomike dhe për të shmangur politizimin e saj duke kërkuar angazhim dhe bashkëpunim nga të gjitha partitë dhe shoqëria civile për të nxitur një zhvillim më të fortë ekonomik. /Kosova.info/