Deputeti i Nismës, Bilall Sherifi, ka komentuar situatën e skandalit të ushqimit për ushtarët e FSK-së, duke e krahasuar reagimin e qeverisë me thënien e famshme të Mbretëreshës së fundit të Francës, Marie Antoinette: “Le të hanë ëmbëlsira.”

Sherifi theksoi se heshtja dyjavore e kryeministrit Kurti dhe presidentes Osmani ndaj kësaj çështjeje reflekton shpërfilljen e tyre. Ndërkohë, presidentja Osmani ka reaguar duke kërkuar një takim urgjent me ministrin e Mbrojtjes, Ejup Maqedonci, dhe komandantin e FSK-së, për të marrë një raport të detajuar mbi gjendjen.