Pas përfundimit të muajit të shenjtë të Ramazanit, miliona myslimanë në të gjithë botën festojnë sot Fitër Bajramin. /rel/
Në Kosovë, ceremonia kryesore e faljes së Bajramit u mbajt në Xhaminë e Madhe në Prishtinë.Në mesazhin e urimit, myftiu i Kosovës, Naim Tërnava, tha se “të gjithë besimtarët i gëzohen kësaj feste, ngase vjen pas një sakrifice të madhe”. “Është një manifestim falënderimi për Zotin, pas agjërimit të muajit të bekuar të Ramazanit”, tha Tërnava.Gjatë 30 ditëve të Ramazanit, myslimanëve u kërkohet të agjërojnë, të tregojnë mirësi dhe durim, si dhe t’i forcojnë marrëdhëniet e tyre me Zotin.Fitër Bajrami që pason, zgjat tri ditë.Një besimtar në Xhaminë e Madhe në Prishtinë duke falur Fitër Bajramin.Fitër Bajrami është një periudhë kur familjet dhe miqtë mblidhen së bashku dhe ndajnë vakte të mëdha.Është gjithashtu e zakonshme që fëmijët të fitojnë para ose dhurata të vogla nga më të moshuarit.Fitër Bajrami dhe Kurban Bajrami, i cili shënohet dy muaj e dhjetë ditë pas të parit, janë festat më të rëndësishme në besimin islam.Islami është feja e dytë më e madhe në Evropë, pas krishterimit.Besimtarët duke falur Fitër Bajramin në Xhaminë e Madhe në Prishtinë.
