Një prej ekspertëve kryesore të imunologjisë në Itali për coronavirusin iu është dhënë mbrojtja policore pasi asaj iu dërgua një plumb brenda një letre që kërcënonte atë dhe familjen e saj.

Sipas BBC, profesoresha Antonella Viola me sa duket ishte në cak për shkak të mbështetjes së saj publike për vaksinimin e fëmijëve.

Siç raportohet, figura publike janë vënë nën kërcënim të shtuar në disa vende evropiane këtë javë.

Një numër deputetësh francezë u kërcënuan teksa debatonin një ligj për pasaportën e vaksinimit.

Të mërkurën mbrëma, shtëpia e lideres politike holandeze, Sigrid Kaag, u sulmua nga një person i teorive konspirative duke tundur një pishtar të ndezur dhe duke e transmetuar atë drejtpërdrejt në Facebook.

Në Itali, imunologia Viola – drejtuese e një instituti kërkimor pediatrik në qytetin verior të Padua-s – konfirmoi në Facebook se kishte pranuar një plumb dhe një letër që e kërcënonte atë ose familjen e saj se do të pushkatohej nëse nuk pranon të lobojë kundër vaksinimit të fëmijëve.

“Këta njerëz janë kundër-vaksinimit që dinë vetëm të urrejnë, të refuzojnë logjikën dhe ligjet si dhe të krijojnë tension e dhunë”, tha ajo, duke këmbëngulur se do t’i jepte gjithmonë një zë shkencës.