Kryeministri i Kosovës, Albin Kurti, ka reaguar pas zbulimit, të një altari romak që daton nga shekulli i tretë të e.s, nga ekipi i arkeologëve, gjatë gërmimeve në Kalanë e Vuçakut të Drenasit.

Kurti në një postim në platformën X, tha se ky altar ka një rëndësi të veçantë si dëshmi e jetës dhe kulturës së vazhdueshme nga parahistoria dhe antikiteti deri në mesjetë.

“Gërmimet sapo kanë filluar në Kalanë e Vuçakut të Drenasit, dhe ekipi arkeologjik tashmë ka bërë zbulimin e tij të parë të rëndësishëm, në muret rrethuese të kalasë: një altar romak që daton nga shekulli i tretë të e.s., një spolia e ripërdorur në ndërtimin e kalasë së periudhës së Justinianit (527–565 e.s.). Altari ka një rëndësi të veçantë si dëshmi e jetës dhe kulturës së vazhdueshme nga parahistoria dhe antikiteti deri në mesjetë”, ka shkruar Kurti në X. /Kosova.info/

Excavations have just begun at Drenas's Vuçak Castle, and the archaeological team has already made its first significant discovery, in the surrounding walls of the castle: a Roman altar dating from the third century C.E., a spolia reused in the construction of the castle of the… pic.twitter.com/4LEL8tgmZb

— Albin Kurti (@albinkurti) June 30, 2024