Një 37 vjeçar është vrarë me armë zjarri të enjten në ora 13:50 në rrugën “Mërgimtarët e Gjilanit”, në Gjilan. Policia në raportin 24-orësh ka bërë të ditur se në vendin e ngjarjes është gjetur një gëzhojë.

“Lidhur me rastin, vdekjen e viktimës e ka konstatuar ekipi mjekësor në vendin e ngjarjes. Po ashtu në vendin e ngjarjes është gjetur një gëzhojë, ku me vendim të prokurorit janë kontrolluar disa lagje të qytetit përfshirë edhe dy shtëpi”, thuhet në raport.

Në lidhje me rastin në vendin e ngjarjes kanë dalë njësitë relevante policore, prokurori dhe zyrtarët nga  IML.