Presidenti i Shteteve të Bashkuara të Amerikës Donald Trump deklaroi se ka inkurajuar kryeministrin izraelit Benjamin Netanyahu të vazhdojë fushatën e tij në Iran.

“Unë thashë: vazhdo,” tha Trump për CNN kur u pyet për mesazhin e tij drejtuar udhëheqësit izraelit mes tensioneve rajonale në rritje.

“Unë flas me të çdo ditë. Ai është një njeri i mirë, bën shumë,” shtoi Trump.

Biseda e fundit e njohur e Trump me Netanyahun ishte dje, ndërsa presidenti amerikan peshon bashkimin me përpjekjet e Izraelit kundër Iranit.

Trump tha se besonte se Netanyahu është “trajtuar shumë padrejtësisht nga vendi i tij”, një referencë e dukshme për çështjet ligjore të vazhdueshme në Izrael.

I pyetur nëse i kishte dhënë Netanyahut ndonjë shenjë se mund ta ndihmojë vendin përtej asaj që ka bërë tashmë, Trump tha se nuk e kishte bërë.

“Jo. Deri më tani, ai ka bërë një punë të mirë. Ai është trajtuar shumë padrejtësisht. Ai është një president në kohë lufte dhe po kalon nëpër këtë absurditet, është qesharake.”

Irani po përjeton një ndërprerje pothuajse të plotë të internetit të mërkurën në mbrëmje sipas orës lokale, sipas Netblocks, një organizatë joqeveritare që monitoron qeverisjen e internetit.

“Të dhënat e rrjetit të drejtpërdrejtë tregojnë se Irani tani është në mes të një ndërprerjeje pothuajse totale të internetit në nivel kombëtar,” tha NetBlocks në një postim në X.

“Incidenti vjen pas një serie ndërprerjesh të pjesshme të mëparshme dhe vjen mes përshkallëzimit të tensioneve ushtarake me Izraelin pas ditësh sulmesh me raketa”, vazhdoi OJQ-ja.

Disa faqe interneti iraniane, përfshirë agjencitë e lajmeve IRNA dhe Agjencia e Lajmeve Fars, nuk ishin të qasshme gjatë ditës.