Casemiro, Richarlison dhe Gabriel Jesus nuk pritet të jenë në mesin e futbollistëve të grumbulluar nga ana e trajnerit të ri të Brazilit për ndeshjet e ardhshme miqësore dhe për Copa America 2024, që do të luhet nga 20 qershori deri më 14 korrik në Shtetet e Bashkuara të Amerikës.

Dorival Junior, trajneri i ri i Brazilit, tashmë ka publikuar listën e lojtarëve dhe aty nuk gjendet as Nymar, i cili mungon për shkak se ende nuk është riaftësuar pas lëndimit të pësuar.
Brazili, që është pesë herë kampion bote, në Botërorin e fundit të mbajtur në Katar, qe eliminuar nga Kroacia, gjë e cila kishte çuar trajnerin Tite të largohej nga drejtimi i Kombëtares. 

LISTA E FUTBOLLISTËVE TË FTUAR: 

PORTIERË: Bento (Athletico Paranaense), Ederson (Manchester City), Alisson Becker (Liverpool)

MBROJTËS: Danilo (Juventus), Yan Couto (Girona), Guilherme Arana (Atletico), Wendell (Porto), Beraldo (PSG), Eder Militao (Real Madrid), Gabriel Magalhaes (Arsenal), Marquinhos (PSG)

MESFUSHORË: Andreas Pereira (Fulham), Joao Gomes (Wolverhampton), Bruno Guimaraes (Newcastle), Douglas Luiz (Aston Villa), Lucas Paqueta (West Ham)

SULMUES: Endrick (Palmeiras), Evanilson (Porto), Rodrygo (Real Madrid), Gabriel Martinelli (Arsenal), Raphinha (Barcelona), Savinho (Girona), Vinicius Jr (Real Madrid).