Trajneri i Manchester Unitedit, Erik ten Hag është shprehur i lumtur me fitoren ndaj Fulhamit.

‘Djajtë e Kuq’ e nisen me fitore sezonin e ri në Premier League, falë golit të Zirkzze, i cili gjatë kësaj verë iu bashkua skuadrës angleze nga Bologna.

Holandezi u fut në lojë nga bankina duke shënuar golin e fitores për Man Unitedin.

“Zëvendësimet gjithmonë janë të rëndësishme dhe ishte mirë të shihja që qysh në ndeshjen e parë një zëvendësues shënoi golin e fitores. Të gjithë e shohin se sa të rëndësishëm janë zëvendësuesit dhe ata duhet të jenë gati çdo herë”, ka thënë Ten Hag.

Strategu holandez thotë se gjithmonë është vështirë të luash kundër Fulhamit.

“Është gjithmonë një lojë e vështirë kundër Fulhamit. Krijuam shumë raste dhe duhej të kishim shënuar më herët”, ka pohuar Ten Hag.