Kryeministri i Kosovës, Albin Kurti dhe ministri i Punëve të Brendhsme, Xhelal Sveçla, kanë dalë në një konferencë të përbashkët për media, lidhur me situatën e krijuar në veri.

Ministri Sveçla tha se në orët e hershme të mëngjesit ka nisur zbatimi i Qeverisë për lëshimin e dokumenteve hyrje-dalje në pikat kufitare.

Ai tha se procedurat janë të shkurta “për dallim nga pala tjetër, e cila për 11 vite me radhë ka shërbyer si një metodë presioni për shtetasit tanë që kanë kaluar nëpër Serbi”.

Sveçla u deklarua për zhvillimet e djeshme, duke njoftuar se 11 qytetarë janë lënduar, ndërsa janë dëmtuar edhe disa vetura të qytetarëve dhe të Policisë së Kosovës.

“Nga zhvillimet e djeshme kemi 11 qytetarë të Republikës së Kosovës të cilët janë të lënduar, të cilët kanë marrë trajtimin e nevojshëm, ndërsa janë dëmtuar edhe disa vetura të qytetarëve dhe policicsë së Kosovës ga strukturat kriminale, ilegale, të armatosura dhe për këtë Policia ka filluar hetimet. Sipas informacioneve të fundit disa barrikada janë larguar dhe një pjesë e barrikadave ka filluar të largohet. Bashkë me organet e rendit po punojnë më mbarëvajtjen e këtij procesi. I sigurojmë qytetarët e vendit, që i gjithë ky proces po vijon në bashkërendim të ngushtë mes njësive policore që janë të vendosura në pikat kufitare si dhe në stacionet policore të ngritura nga shteti i Kosovës, dhe e gjithë kjo me qëllim të përfundimit të suksesshëm të këtij aktivitetit dhe mbrojtjen e jetës së qytetarëve, sovranitetit dhe kushtetutshëmrisë. Instiutcionet e Ksoovës do të jenë të gatshme çdo moment që të asistojnë qytetarët që kanë nevojë për informacione shtesë përmes linjë së dedikuar për këtë proces dhe e cila do të jetë e hapur 24 orë”, tha Sveçla.

Ministri në fund falënderoi partnerët ndërkombëtarë, liderët opozitarë dhe policinë.

“Falenderoj partnerët ndërkombëtare, liderët e partieve politike në vend për unitetin politik dhe sidomos policinë për profesionalizmin dhe gatitshmërinë për mbrojtjen e sovranitetit”, ka thënë Sveçla.