Superliga e basketbollit vjen sonte me dy ndeshje joshëse

Elita e basketbollit rikthehet sot me dy ndeshjet e para të javës së 23-të.

Pas dy superpërballjeve të mbrëmshme Sigal Prishtina-Trepça dhe Peja-Proton Cable Prizreni, Superliga e Kosovës në basketboll vjen sonte me dy ndeshjet e fundit të javës së 23-të.

Istogu që po paraqitet vetëm me vendorë do të ndeshet me Golden Eagle Yllin, ku therandasit shihen favoritë. Istogasit kanë vetëm një fitore e 21 humbje, derisa Ylli numëron 13 fitore e nëntë humbje.

Kjo xhiro mbyllet me takimin mes Vëllaznimit dhe Bashkimit, që është shumë i vlefshëm, pasi kuqezinjtë janë në vendin e pestë me nëntë fitore e 13 humbje, kurse prizrenasit në vendin e gjashtë me tetë fitore e 14 humbje.

Superliga/Java 23

Sot takohen:

17:00 Istogu-Golden Eagle Ylli

19:00 Vëllaznimi-Bashkimi 

Go to TOP