Shtysë e madhe për Liverpool, rikthehet Thiago Alcantara
Liverpool kanë marrë një shtysë të madhe para ndeshjes ndaj Napoli.
‘Reds’ kanë parë yllin e skuadrës, Thiago Alcantara të jetë kthyer në stërvitje të plota.
Lojtari pritet të ketë minuta në ndeshjen kundër Napoli, e cila do të luhet në ‘Diego Armando Maradona’.
Thiago Alcantara nuk ka luajtur me fanellën e Liverpool që kur mori një goditje në ndeshjen ndaj Fulham, më 6 gusht.
Rikthimi i Alcantara shihet si ndihmë e madhe para ndeshjes ndaj Napoli, pasur parasysh se edhe Jordan Henderson e Naby Keita vuajnë nga lëndime.