Sara Hoxha dhe Luixhino fitojnë Dancing With The Stars

Blogerja Sara Hoxha dhe partneri i saj Luixhino janë fituesit e finales së madhe të Dancing With The Stars.

Ajo rrëmbeu kupën e artë dhe çmimin e madh 50 mijë euro.

Mes lotësh dhe e përfshirë nga emocione të papërshkueshme, Sara kishte përgatitur një letër falënderimi në rast se do të fitonte finale.

“Dua të falënderoj produksionin, Esdalinin dhe Olën, falënderoj Luixhinon për çdo orë provë që s’e ka kursyer, energjinë, përkushtimin, mikun që e fitova, familjet Hoxha dhe Vula,  Poin që ishte frymëzimi im”, tha Sara.

Një personzh i dashur për publikun, edhe pse jo pjesë e ekranit, ajo arriti ta menaxhonte mirë botën “e ashpër” të spektaklit.

Ajo e provoi veten në shumë disiplina, që nga ato ritmiket, energjiket deri tek më emocionueset.

Sara garoi në finale me tre konkurrentë të tjerë, Ardit Çunin, Megi Pojanin dhe Elhaida Danin, të cilët ishin shumë pranë çmimit të madh.

Dancing With The Stars përmbylli sonte këtë sezon të mrekullueshëm, pas 13 javëve të stuhishme për të sjellë çdo do të premte një spektakël të kuruar deri në detaje.

Top Channel

Go to TOP