Ukraina e cila goditi anijen e flotës detare ruse në Detin e Z, ‘Moskva’ po feston fitoren, ndërsa po përgatitet për sulmet hakmarrëse të Rusisë.

Natalia Humeniuk, zëdhënëse e forcave jugore të sigurisë dhe mbrojtjes të Ukrainës, është shprehur:

“Ne e kuptojmë se sulmet do të rriten. Armiku do të përpiqet të hakmerret. Do të rrisë sulmet me raketa dhe zjarrin e artilerisë.”

Nuk kaluan shumë orë nga kjo deklaratë e Humeniukut dhe ministria ruse e mbrojtjes njoftoi se sulmet me raketa në kryeqytetin ukrainas,Kiev  do të rriteshin si hakmarrje për sabotazhin kundër tokës ruse.

Lajmet e agjencisë së lajmeve Tass për anijen Moskva pretendonin se “i gjithë ekuipazhi” ishte evakuuar fillimisht, por më vonë fjala “i tërë” u hoq.

Sipas një raporti të pakonfirmuar ukrainas, 14 marinarë, përfshirë shefin e shërbimit mjekësor të Moskës, u dërguan në portin e Krimesë të Sevastopolit.

 Fati i 494 personave të tjerë nuk dihet. 

Nëse konfirmohet se marinarët e mbetur janë mbytur, fundosja e anijes Moskva do të ishte ngjarja që vrau  më shumë ushtarë rusë që nga Lufta e Dytë Botërore.

Por mbytja e flamurit të Rusisë duket se ka shtuar zemërimin e Putinit.

Zyrtarët ukrainas dhe amerikanë kanë paralajmëruar prej ditësh se Rusia po përgatitet për një sulm të ri në Ukrainën lindore.

Analistët ushtarakë tani pohojnë se Rusia po dërgon armë të reja të rënda dhe njësi ushtarake nëDonbas.

Me sa duket, Rusia do të sulmojë Donbasin me të gjitha forcat e saj.

Sipas analizës në The New York Times, si analistët ushtarakë, ashtu edhe zyrtarët perëndimorë dhe ukrainas janë dakord se kur të fillojë sulmi i Rusisë në Donbas, ky sulm do të jetë shumë i përgjakshëm dhe afatgjatë.

Ukraina tani po përgatitet për sulmin hakmarrës të Putinit.

 Janë krijuar pozicione mbrojtëse të fortifikuara mirë për ato vende që rusët do të përpiqeshin të kapnin në Ukrainën lindore. 

Shtetet e Bashkuara njoftuan mbështetjen ushtarake.

Burimet perëndimore pohojnë se Putini dëshiron të harrojë humbjet në luftë me operacionin në rajonin e Donbasit dhe të arrijë një fitore të madhe dhe ta kurorëzojë atë me Ditën e Fitores së 9 majit.