Dardan Molliqaj, kryetar i Partisë Socialdemokrate, e ka cilësuar si skandaloz dhe të papranueshëm shkarkimin e rektorit të Universitetit të Prishtinës, Naser Sahiti.

Molliqaj, ka thënë edhe se, shkarkimi i Sahitit, është pasojë logjike e mënyrë sesi bëhen gjërat nga Qeveria aktuale.

“Shkarkimi i Rektorit Sahiti, sado skandaloz e i papranueshëm, veç çudi nuk mund të jetë. Është pasojë logjike e mënyrës sesi bëhen gjërat nga Qeveria aktuale. Nuk kërkohet pajtim rreth mënyrës se si e shohim zhvillimin e arsimit. Nuk bëhet fjalë për ndikim. Jo jo, na duhet bindje e pakushtëzuar”, ka thënë ndër tjerash Molliqaj.

Postimi i plotë:

UNIVERSITETI NË SHENJESTËR

Shkarkimi i Rektorit Sahiti, sado skandaloz e i papranueshëm, veç çudi nuk mund të jetë. Është pasojë logjike e mënyrës sesi bëhen gjërat nga Qeveria aktuale. Nuk kërkohet pajtim rreth mënyrës se si e shohim zhvillimin e arsimit. Nuk bëhet fjalë për ndikim. Jo jo, na duhet bindje e pakushtëzuar.

Dija është nyje kyçe e totalitarizmit. Pa vulën e saj shkencore s’ka autoritet t’vërtetës. Për ironi, pushtetet e tilla e shpjegojnë botën përmes përplasjes së të kundërtave, por pushteti ynë është pastaj sinteza përfundimtare. Secili rast në histori na tregon se pushteti i tillë ështē edhe fundi i zhvillimit dialektik i dijes.

Dija, me pak guxim bëhet vatër lirie. Prandaj, aty duhet njerëz të dëgjueshëm. Me çdo kusht. Prandaj, ajo domosdoshmërisht përfundon në plagjiat. Se ku tjetër. Siç ka përfunduar.