Drejtoria Rajonale e Policisë në Prizren ka lëshuar një kërkesë për bashkëpunim me qytetarët për identifikimin dhe lokalizimin e një personi të panjohur, i dyshuar për veprën penale “Vjedhje”.

Sipas njoftimit, vjedhja ka ndodhur më 20 tetor 2023 në parkingun e një qendre tregtare në rrugën “Brigada 125” në Prizren. Publikimi i fotos dhe kërkesa për bashkëpunim është bërë me autorizim të Prokurorisë Themelore në Prizren.

Policia fton qytetarët që nëse kanë informacione për identitetin apo vendndodhjen e personit të dyshuar, të kontaktojnë autoritetet në numrat e mëposhtëm:

192 dhe 0800 19999 (pa pagesë)

029 244 740 – Stacioni Policor në Prizren

Email: [email protected]

Policia garanton konfidencialitet të plotë për të gjithë ata që ndihmojnë në zbardhjen e këtij rasti. /Kosova.info/