Prokuroria Themelore në Prishtinë –Departamenti për Krime të Rënda, respektivisht Njësiti për Krime Ekonomike dhe Korrupsion, përmes njoftimit ka bërë të ditur se gjatë ditës së sotme Policia e Kosovës ka arrestuar nëntë persona, të cilët  dyshohen se kanë kryer veprën penale ‘’Keqpërdorimi i pozitës apo autoritetit’’ dhe veprën penale të ‘’Mashtrimit’’, nga Neni 336 i Kodit Penal të Kosovës.

Sipas njoftimit të Prokurorisë Themelore, personat e arrestuar në cilësinë e personave zyrtarë, si anëtarë të Komisionit teknik, kanë bërë pranimin e punimeve të stadiumit futbollistik në fshatin Magure – Komuna e Lipjanit, kinse janë kryer punimet sipas kontratës së fituar nga një kompani.

“Gjatë këtij aksioni është ndaluar edhe një person, përgjegjës i Kompanisë në fjalë. Ndërkaq, personat e lartcekur me këto veprime dyshohet se i kanë shkaktuar dëme buxhetit komunal në vlerë rreth treqind mijë euro”, thuhet në njoftim.