Presidentja e Kosovës, Vjosa Osmani, është takuar me raportuesen e Asamblesë Parlamentare të Këshillit të Evropës, Dora Bakoyannis.

Mediat janë lejuar vetëm të marrin pamje në fillim dhe nuk është paralajmëruar ndonjë konferencë.

Bakoyannis në ora 14:00 do të takohet edhe me kryeministrin Albin Kurti.

Dora Bakoyannis është raportuese për anëtarësim të Kosovës në Këshillin e Evropës.

Bakoyannis do të bëjë raport gjithëpërfshirës për Komitetin për Politikë dhe Demokraci, i cili më pas do të votohet në seancë plenare të Asamblesë Parlamentare të Këshillit të Evropës.

Ajo më herët ka qenë ministre e Jashtme e Greqisë.