Organizata Botërore e Shëndetësisë (OBSH) arriti të dërgojë furnizime në dy spitale në jug të Gazës që nuk kanë marrë asnjë dërgesë që nga 29 nëntori.

Kështu ka bërë të ditur drejtori i përgjithshëm i OBSH-së, Tedros Adhanom Ghebreyesus.

“Sot OBSH dërgoi furnizime të traumës dhe kujdesit urgjent në Spitalin Evropian të Gazës dhe Kompleksin Mjekësor Nasser në jug të Gazës për të mbuluar nevojat e 4500 pacientëve”, është shprehur ai.