Një ngjarje e rëndë ka ndodhur pasditen e djeshme në rrugën “Domenik Pergega” në Gjakovë, ku një person është gjetur pa shenja jete në shtëpinë e tij. Ky rast ka tronditur familjen Komani, kur e morën lajmin se bëhet fjalë për më të dashurin e tyre, Nuen.
I ndjeri, Nue Komani ishte 56-vjeçar, vdekjen e të cilit e konfirmoi ekipi mjekësor që doli në vendngjarje.
Burimet brenda Emergjencës kanë bërë me dije se rasti ka ndodhur në në orët e pasdites, kur rasti u raportua dhe bashkë me Policinë intervenuan.
Akoma nuk dihet shkaktari i vdekjes së 56-vjeçarit, por sipas të njëjtave burime me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion dhe rasti është cilësuar si “Hetim i vdekjes”.
Për vdekjen e Komanit kanë njoftuar edhe familjarët e tij në rrjete sociale.
““Me pikllim të thellë mora lajmin për vdekjen e agjës tim Nue Komani që na tronditi të gjithëve e agja Nue na ike shpejt kemi pas shumë muhabete e biseda e se kom besu që po na lenë kaq shpejt, ke qenë një agj, një këshilltar i jetës time, na ke ofruar dhe edukuar në të drejt pavarësisht a na pëlqeu apo jo, ti na ke thënë në sy. Por, një gjë po ta them se ke lanë shtëpinë plot mipa e mbesa djem, vllazën dhe po ta premtoj se çdo amanet i yti do të shkoj në vend ashtu qysh ti ke dasht. Me pikllim të madh po të them lamtumirën e fundit agja im i dashtun Pushuo i Qetë në Parajsë”.
