Senatori amerikan, Chris Murphy, ka folur për themelimin e Asociacionit të komunave me shumicë serbe në Kosovë.

Ai, në Atlantic Council me Ilva Tare, ka theksuar se themelimi i asociacionit do të ishte në të mirë të Kosovës për rrugën e saj evropiane dhe në NATO.

“Themelimi i Asociacionit në koordinim edhe me zgjedhjet e reja, me të vërtetë mund të hapin një kapitull të ri për marrëdhënie më të mira mes Kosovës dhe Serbisë”.

“Dhe veçanërisht, Kosovën mund ta afrojnë më konkretisht në rrugën e saj drejt Evropës dhe NATO-së”, ka thënë Murphy.