Zëdhënësi i Lëvizjes Vetëvendosje, Arlind Manxhuka ka publikuar një dokument të vitit 2020, ku shkruhet mbi trajtimin e çështjes së të pagjeturve në luftë.

Në postimin e tij, Manxhuka ka aluduar se në atë kohë kryeministri Avdullah Hoti dhe ish-zëvendëkryeministri Driton Selmanaj nuk e kanë trajtuar mirë çështjen e të pagjeturve.

“Ja si i kanë trajtuar këta personat e zhdukur me dhunë. Viti 2020, Kryeministër Hoti, zv.Kryeministër Selmamaj”, ka shkruar Manxhuka.