Ish-trajneri i kombëtares italiane, Roberto Mancini, ka folur për mundësinë e rikthimit te “Azzurët”, duke thënë se kjo mbetet një ëndërr për të.

“Siç e kam thënë edhe më parë, shpresoja të fitonim edhe një Kupë Bote. Gjithmonë ka shpresë, por futbolli është i çuditshëm dhe ndonjëherë sjell gjëra të papritura”, u shpreh Mancini.

Ai shtoi se rikthimi mund të kishte ndodhur pas largimit të trajnerit Spalletti.

“Sinqerisht, shpresoja, por e dija që do të ishte pothuajse e pamundur”.

Mancini komentoi edhe periudhën e tij si trajner.

“Ishte një periudhë pak e vështirë. Po ndryshonim ekipin, duke sjellë shumë lojtarë të rinj, dhe kishim arritur në fazat finale të Ligës së Kombeve për dy vite rresht. Duhet të kishim sqaruar disa keqkuptime, ndoshta nga ana ime para së gjithash. Ndonjëherë vendime u morën që më vonë rezultuan të gabuara”, theksoi ai.

Duke folur për gjendjen aktuale të kombëtares italiane nën drejtimin e Gattusos, Mancini tha: “Ata po përmirësohen. Ka shumë lojtarë që ishin me mua dhe po fitojnë përvojë në ndeshje të rëndësishme. Gattuso është një trajner i shkëlqyer dhe jam i lumtur për të. Sigurisht, situata është pak më e komplikuar tani, por futbolli shpesh sjell surpriza, siç ndodhi në ndeshjet Belgjikë-Maqedoni apo Norvegji-Izrael”.