Emisari i BE-së për dialogun Kosovë – Serbi, Miroslav Lajçak, ka thënë se me zëvendëskryeministrin e Kosovës, Besnik Bislimi, sonte ka biseduar për nevojën për zbatim të plotë të marrëveshjes së normalizimit pa vonesa e parakushte.

Ai ka thënë se me Bislimin është dakorduar për hapat e radhës.

Lajçak do të qëndrojë në Kosovë edhe të martën, ku do të takohet me krerët e opozitës.

“Jam takuar me zëvendëskryeministrin e parë Besnik Bislimi për të vazhduar diskutimet për takimin e fundit me liderët evropianë në Bruksel dhe nevojën për zbatimin e plotë të Marrëveshjes për Rrugën e Normalizimit pa vonesa dhe parakushte. Po ashtu jemi pajtuar për hapat e radhës”, ka shkruar Lajçak në platformën “X”.

I just met with First Deputy Prime Minister @BislimiBesnik to follow up on the recent meeting with European leaders in Brussels and the need for full implementation of the Agreement on the Path to Normalisation without delay or preconditions. We also agreed on next steps. pic.twitter.com/Jc151JUvRS

— Miroslav Lajčák (@MiroslavLajcak) November 6, 2023