Mysafire e edicionit të sotëm të emisionit Rubikon ishte shefja e Grupit Parlamentar të Lëvizjes Vetëvendosje, Mimoza Kusari – Lila.

Ndër të tjera, temë e diskutimit ishte edhe shkuarja në zgjedhje.

Ajo iu kundërpërgjigj nënkryetares së PDK-së Vlora Çitaku, se kryetari i këtij subjekti Memli Krasniqi, ka biseduar me përfaqësuesit e VV-së rreth kësaj çështje.

“E kam demantuar. Absolutisht nuk është e vërtetë. Në kuvend nuk ka pasur me askënd. Unë bile kam pyetur në organizatë dhe e kam pasur të njëjtën përgjigje”, tha ajo në Klan Kosova.