Kurti pret ambasadorin britanik, fokusi te anëtarësimi i Kosovës në KiE

Ambasadori i Britanisë së Madhe në Kosovë, Jonathan Hargreaves, i ka bërë vizitë kryeministrit Albin Kurti në zyrën e tij këtë të shtunë.

Siç njofton Zyra e Kryeministrit, marrëdhëniet bilaterale dhe zhvillimet aktuale kanë qenë temë e bisedës.

“Diskutimi u fokusua edhe në hapin e radhës drejt anëtarësimit të Republikës së Kosovës në Këshill të Evropës dhe rëndësinë që anëtarësimi në këtë organizatë sjell në mbrojtjen e lirive dhe të drejtave përmes qasjes në Gjykatën Evropiane për të Drejtat e Njeriut në Strasburg”, thuhet në njoftim.

Kurti në takim ka theksuar rëndësinë e bashkëpunimit të ngushtë me Mbretërinë e Bashkuar si shtet themelues i Këshillit të Evropës. /Kosova.info/

Go to TOP