Bashkatdhetarët të cilët kanë përfunduar pushimet në Kosovë, janë duke u përballur me kolona të gjata në vendkalimet kufitare.

Sipas të dhënave të fundit të publikuar nga Ministria e Punëve të Brendshme, kolonat më të gjata janë krijuar në Merdare, ku qytetarët po presin deri në shtatë orë, për të  dalë nga Kosova përmes kësaj pike.

Situate po thuajse e ngjashme me Merdare, është edhe në vendkalimin kufitar Jarinje, dalja nga Kosova përmes kësaj pike zgjatë rreth tri orë.

Kurse në pikën kufitare Dheu i Bardhë, qytetarët janë duke pritur deri në dy orë për të dalë nga Kosova, kurse kolonat janë deri në 3500 metra.

Gjendja në vendkalimet kufitare tjera të Kosovës është më e qetë, ku hyrja dhe dalja mund të bëhet nga 3 deri 30 minuta.

Qytetarët mund të informohen në kohë reale për gjendjen në kufi duke klikuar KËTU.