Përballë kërkesave të Vladimir Putin, Xi Jinping u përgjigj “jo”. Një kthesë e madhe dhe e qartë e Kinës që pritet të sjellë ndryshimin e luftës pasi në një moment të vështirë për Vladimir Putinin, presidenti kinez nuk do ta ndihmojë Rusinë ushtarakisht, teknologjikisht dhe financiarisht në luftën në Ukrainë. Kjo do të sjellë izolimin total të Carit dhe fundi i tij është shumë afër. Frika e Kinës është se mund të përballet me të njëjtat sanksione me të cilat Perëndimi ka ndëshkuar Moskën. Si rrjedhim ka një tension mes dy vendeve. Sipas Ëashington Post, në fakt, zyrtarët kanë kaluar nga “miqësia pa kufij” në “kontakte të tendosura”. Prandaj Kina është afër Rusisë në nivel politik dhe diplomatik dhe Xi Jinping e ka treguar këtë disa herë. Nuk është rastësi që presidenti kinez akuzoi NATO-n dhe Shtetet e Bashkuara për provokimin e Carit, pasi ai i përkufizoi sanksionet si “një abuzim të paligjshëm” dhe ndihmën ushtarake për Kievin një “kjo, megjithatë, me fjalë, sepse në fakt qëndrimi i Pekinit është parë qartë nga çekuilibri.  Madje shumë kompani të mëdha janë larguar nga Rusia. “Kina mbetet një mbështetëse e vendosur e arsyeve të Rusisë, ne i konsiderojmë sanksionet të paligjshme, por nuk mund të injorojmë interesat kombëtare në këtë çështje dhe qeveria e Pekinit do ta bëjë gjithmonë dhe në çdo rast. Ajo do të vendosë mirëqenien e popullit kinez përpara çdo konsiderate”, thotë një burim anonim nga pala kineze për të përditshmen. Me pak fjalë, për të ndihmuar po, por jo në dëm të qytetarëve të saj. Megjithatë, marrëdhëniet e tensionuara me Kremlinin nuk duhet të na habisin. Mjafton të kujtojmë Mao Ce Dunin, ish-Presidentin e Republikës Popullore të Kinës, i cili me Stalinin, homologun e Bashkimit Sovjetik, nuk ia dolën mbanë. Timonieri i Madh në fakt gjithmonë e ka toleruar dobët arrogancën me të cilën Stalini dhe pasardhësit e tij e konsideronin atë, një lloj “të afërmi të ashpër të socializmit ndërkombëtar”.

Putin izolohet në mënyrë totale

Lëvizja e bujshme e Kinë do të thotë shumë, pasi Cari ndodhet në izolim total me shumë pak mbështetje. Tashmë që vija e kuqe u kalua, që mekanizmi i luftës u vu në lëvizje, e vetmja mënyrë e efektshme për ndalimin e kësaj çmendurie është izolimi total ekonomik dhe financiar i Rusisë. Izolimi ekonomik dhe financiar do ta gjunjëzojë (nëse do të vazhdojë gjatë), burimet do të pakësohen, çmimet do të rriten, trazirat sociale do të jenë të pashmangshme, dhe do të dorëzohet nga pafuqia. Është e qartë se mund të ketë pasoja të vështira në rrugën e Kinës ndërsa ky konflikt evoluon. Jo vetëm për çështjet ekonomike dhe tregtare, por edhe për çështjet separatiste. Kina tani e sheh veten duke u përballur me një dilemë, pasi mbështetja e luftës në Evropë nuk është një opsion i mundshëm, megjithatë, lidhjet diplomatike që vendi mban me Rusinë janë thelbësore për të legjitimuar zhvillimin gjithnjë në rritje të të dy vendeve dhe sistemeve të saj politike si fuqi të mëdha në rendin botëror

Kina synon të zërë vendin e Rusisë

Lufta e Ukrainës për të drejtën e saj për të pasur një të ardhme, e ka përshpejtuar një ndryshimin e madh që po ndodh në rendin global të shekullit XXI-të. Mund të shihen që tani elementë të botës së re, që dalin nga zjarret e luftës në Ukrainë. Uniteti midis Amerikës së Veriut dhe Bashkimit Evropian është rivendosur dhe çimentuar. Koncepti i Perëndimit e ka rifituar kuptimin e tij origjinal, ndërsa rënia strategjike e Rusisë po e dobëson sistemin e aleancave të Kinës. Pushtimi rus i Ukrainës, e ka vënë Evropën sërish në lëvizje. Pavarësisht xhelozisë së disa shteteve evropiane, Ukraina u bë qendra e lindjes së Evropës së re. Që Evropa të ketë sukses në rivendosjen e paqes dhe forcimin e prosperitetit dhe sigurisë në rajon, Ukraina duhet të jetë pjesë e Bashkimit Evropian, dhe në përgjithësi e Perëndimit, të udhëhequr nga Shtetet e Bashkuara. Dhe kështu do të ndodhë. Bota e së nesërmes do të jetë trepolare. Dy pole të dukshme do të jenë Shtetet e Bashkuara dhe Kina. India do ta forcojë pozitën e saj globale si një fuqi e madhe demokratike.