Federata e Sindikatave të Shëndetësisë së Kosovës protestoi sot para objektit të qeverisë lidhur me mospajtimin me propozimin e qeverisë për rritje të koeficientit prej 0.5, mos nënshkrimin e kontratës kolektive sektoriale dhe për çështje të tjera.

Protestuesit ishin të pajisur me pankarta ku shkruhej: “Duam kontrata kolektive”, “Ndaloni zbritjen në paga”, “Kontrata Kolektive – Garanci për të drejtat tona” dhe “Mos na shfrytëzoni, na respektoni”, kanë kërkuar që qeveria të marrë parasysh kërkesat e tyre për përmirësimin e kushteve të punës dhe respektimin e të drejtave të punëtorëve shëndetësorë.