Trajneri i Manchester United, Erik ten Hag, është nën presion të shtuar pas humbjeve të fundit të ekipit në Premier League, por gjithashtu ai është i bindur se ekipi po ecën në drejtimin e duhur.

United aktualisht gjendet në pozitën e katërmbëdhjetë në tabelën e kryesuar nga Manchester City. Ndeshjen e radhës United e luan kundër Southampton, që gjithashtu nuk ka pasur fillim të mirë. 

“Kur sheh rezultatet, natyrisht që askush nuk është i lumtur. Megjithatë, kur analizon ndeshjet, jemi në drejtimin e duhur. Ne do të shohim ku do të jemi në majin e vitit të ardhshëm, është shumë herët në sezon”, ka thënë holandezi. “”Nuk më ndikojnë kritikat. E di se ku jemi në këtë proces dhe çfarë duhet të bëjmë”.