Drejtori i Institutit GAP, Agron Demi, ka bërë me dije se nuk ka po pozitë në sektorin publik dhe privat në Kosovë që e meriton rrogën më pak se të deputetit të Kosovës.

Në profilin e tij në “Facebook”, ai ka shkruar se deputetët marrin minimum 1.722 euro për t`i dështuar seancat parlamentare dhe për të zhagitur miratimin e projektligjeve.

“Nuk ka pozitë në sektorin publik e privat në Kosovë që e meriton rrogën më pak se deputeti/ja e Kuvendit të Kosovës. Deputetët marin minimum 1.722 euro për me i dështu seancat parlamentare, me i zvarritë ligjet, me u sha e me fol palidhje. Edhe si deputet nuk ju vyn bash hiç asnjë shkathtësi a përgaditje. Në krahasim me angazhimin dhe pagën që e marrin deputetët, pagat e punonjësve tjerë në sektorin publik janë dhimbshëm shumë të ulëta”, ka shkruar Demi.