Presidenti rus Vladimir Putin ka nënshkruar një dekret që urdhëron mobilizimin ushtarak në Rusi. Por, udhëheqësi çeçen Ramzan Kadyrov, që i ka dalë në ndihmë nga fillimi Putinit në luftën me krainën, ka thënë se një urdhër i tillë në Republikën Çeçene nuk do të zbatohet.

Kadyrovi ka thënë se tashmë populli që e drejton ka dhënë një numër të madh ushtarësh për ushtrinë e Rusisë, gjatë agresionit ndaj Ukrainës.

“Çeçenia e përfundoi planin për mobilizim. Ne e përpunuam këtë mekanizëm që në fillim, edhe para shpalljes së mobilizimit të pjesshëm. Përveç kësaj, republika ka një rezervë prej një mijë vullnetarësh, të cilët, nëse është e nevojshme, do të bashkohen në Ukrainë”, ka thënë Kadyrov, raporton BBC.

Sipas Kadyrovit, janë rreth 20 mijë ushtarë çeçenë që i janë vënë në dispozicion Rusisë.

Ndryshe, në Rusi kanë nisur protesta të nji grupi të nënave kundër vendimit të Presidentit që obligon mobilizimin për t’iu bashkuar ushtrisë.