Një tërmet me magnitudë 8.8 – ndër më të fuqishmit të regjistruar ndonjëherë – goditi më 30 korrik gadishullin Kamçatka në lindjen e Rusisë, duke shkaktuar valë cunami deri në katër metra, dëmtime në ndërtesa dhe duke nxitur alarme e evakuime në rajonin e Oqeanit Paqësor.
Gjatë orëve të fundit, disa shtete, përfshirë Shtetet e Bashkuara dhe Japoninë, kanë lëshuar paralajmërime për cunami dhe urdhra për evakuim në zonat bregdetare. /REL/
Valët e cunamit përmbytën më 30 korrik bregdetin e qytetit Severo-Kurilsk, në rajonin Sahalin të Rusisë, duke shkaktuar dëme materiale dhe shqetësim te banorët.Ekipet e shpëtimit ndodheshin më 30 korrik në vendin ku një ndërtesë ishte dëmtuar nga tërmeti në gadishullin Kamçatka, në Lindjen e Largët të Rusisë.Evakuim në qytetin japonez Mukava pas lëshimit të një paralajmërimi për cunam, më 30 korrik 2025.Një burrë në një plazh të zbrazët pas paralajmërimit për cunam në Fudhisava, prefektura Kanagava të Japonisë, më 30 korrik 2025.Njerëz të mbledhur në parkun Hijorijama vëzhgojnë zonën bregdetare pasi Japonia lëshoi një paralajmërim për evakuim, në qytetin Ishinomaki, më 30 korrik 2025.Kalimtarë në Tokio ndjekin lajmet pas paralajmërimit për cunam, në Japoni, më 30 korrik 2025.Njerëz presin para stacionit hekurudhor në Fudhisava, i cili është mbyllur për shkak të paralajmërimit për cunam, në prefekturën Kanagava të Japonisë, më 30 korrik 2025.Një vajzë kalon pranë një dyqani të mbyllur në Fudhisava, prefektura Kanagava të Japonisë, më 30 korrik 2025.Policia patrullon në qytetin Çibu, në prefekturën Çiba të Japonisë, më 30 korrik 2025.Mysafirë të një hoteli në Honolulu vëzhgojnë nga ballkoni plazhin përreth, në Havai, SHBA, më 29 korrik 2025.Trafiku është shtuar në Honolulu pasi autoritetet paralajmëruan banorët për një cunam të mundshëm, në Havai, SHBA, më 29 korrik 2025.Një burrë nxjerr paketa me ujë të ambalazhuar nga një dyqan pas paralajmërimeve të autoriteteve për një cunam të mundshëm, në Honolulu, Havai, SHBA, më 29 korrik 2025.
