Bota

Çka është “Akti Magnitsky” – ligji ku bazohet Amerika për sanksionimin e politikanëve dhe biznesmenëve ndërkombëtar?

Shtetet e Bashkuara për herë të parë gjatë ditës së djeshme, më 8 dhjetor 2021, në bazë të “Akti Magnitsky” vendosën sanksione ndaj disa individëve dhe personave juridikë të Kosovës.

Ligji mban emrin e Sergey Leonidovich Magnitsky, një këshilltar tatimor ukrainas, i cili vdiq në një burg rus pas arrestimit në vitin 2008.

Vdekja e tij pas 11 muajsh paraburgimi ka tërhequr vëmendjen e mediave ndërkombëtare dhe ka nisur hetime zyrtare dhe jozyrtare mbi akuzat për mashtrim, vjedhje dhe shkelje të të drejtave të njeriut në Rusi.

Ligji i përmendur është miratuar në vitin 2012, si përgjigje ndaj shkeljeve të të drejtave të njeriut dhe korrupsionit, rritja e të cilit kërcënon stabilitetin e sistemit politik dhe ekonomik ndërkombëtar.

Sanksionet sipas “Akti Magnitsky” lëshohen nga Byroja e Kontrollit Ndërkombëtar të Aseteve (OFAC) e Departamentit të Thesarit të SHBA-së, të nënshkruara nga Presidenti i SHBA-së dhe të zbatuara nga tre ministri – Punët e Jashtme, Financat dhe Drejtësia.

Ajo që është karakteristikë e sanksioneve të vendosura bazuar në “Akti Magnitsky” është se ato kanë veprim ekstra-territorial që prek të gjitha vendet e botës.

Theksojmë se gjatë ditës së djeshme SHBA-ja ka futur në listën e zezë afaristin serb të Kosovës, Zvonko Veselinoviq dhe disa bashkëpunëtorë të tij, si zyrtarin e Listës Serbe, Milan Radojçiq.

Ndryshe, SHBA-ja ka paralajmëruar se në ditët në vijim do të sanksionojnë edhe zyrtarë të tjerë të korruptuar.

Shfaq më shumë
Back to top button
escort mersin - izmir escort