Këshilltari i presidentes së Kosovës, Blerim Vela ka reaguar pas vendimit të presidentit serb Aleksandar Vuçiq për anulimin e pjesëmarrjes në samitin BE-Ballkan Perëndimor, që mbahet në Tiranë më 6 dhjetor.

Vuçiq tha se këtë vendim e mori pasi që kryeministri i Kosovës Albin Kurti, emëroi Nenad Rashiqin ministër për Kthim dhe Komunitete si dhe Rada Trajkoviqin si këshilltare e tij.

Por, sipas Velës, kjo nuk është arsyeja e vërtetë e histerisë së tij dhe Vuçiq po mundohet të fshihet pas saj.

Vela ka thënë se Vuçiq po përpiqet që ta shmangë vëmendjen nga emërimi i Aleksandar Vulinit si shef i Shërbimit Sekret të Serbisë (BIA), i cili sipas tij, është një lakej rus.

“Histeria e Vuçiqit është një tentim i dështuar për të fshehur arsyet e vërteta për të marrë pjesë në samitin BE-BP në Tiranë. Ai po do ta shpërqendrojë vëmendjen nga emërimi i Vulinit, një lakej rus, si shef i shef i shërbimit sekret. Deklarata e samitit kërkon nga 6 vendet e Ballkanit Perëndimor, përfshirë Serbinë, që t’i bashkohen BE-së në sanksionet ndaj Rusië”, ka shkruar Vela.