Gazzetta dello Sport Sportbook ka zgjedhur për ballinë e saj një intervistë me yllin e Hellas Verona, Giovanni Cholito Simeone, i cili është djali i trajnerit të njohur Diego Simeones që drejton Atlético Madridin.

Në këtë intervistë, argjentinasi hap dyert e shtëpisë së tij në mënyrë që fansat e futbollit të njohim pak më shumë djalin e Diego Simeones, i cili po luan një rol të madh në Serie A me ekipin e tij, Hellas Verona.

Mes bisedës së relaksuar dhe intime me gazetën italiane, Simeone ka theksuar se nuk i bën përshtypje më që e thërrasin me pseudonimin “Cholito”, në fakt është i lumtur që identifikohet me të.

“Më pëlqen shumë. Më parë, jo, kam dëgjuar që më kanë quajtur kështu për shkak të babain tim, Cholo”.

“Tani ndjej se më referohen mua, njeriu që jam. Ndjej se Cholito është Giovanni, jo djali i Diego-s”,thotë sulmuesi argjentinas.

Ai tani mburret se ka gjetur një ekuilibër të madh futbollistik këtë sezon dhe thekson se meditimi e ka ndihmuar që t’i bëjë shifrat shumë më të mira këtë vit.

Cholito Simeone ka shënuar 11 gola në 15 ndeshje dhe është gati të thyejë një rekord personal: 12 gola që ka arritur me Genoan, por në 35 ndeshje.

Nëse vazhdon me këto shifra një transferim i mundshëm te një ekip i madh vitin e ardhshëm nuk do të ishte befas.