Chelsea ka arritur marrëveshje për transferimin e mbrojtësit italian Marco Palestra nga Atalanta.

Klubi londinez ka qenë në kërkim të një zëvendësuesi për Marc Cucurella, i cili së fundmi është transferuar te gjiganti spanjoll, Real Madrid.

Inter kishte punuar prej javësh për ta transferuar Palestra dhe ishte afër marrëveshjes, por Chelsea ka ndërhyrë në momentet e fundit dhe ka siguruar shërbimet e futbollistit italian.

Eksperti i transferimeve, Fabrizio Romano, ka bërë të ditur se të gjitha palët kanë arritur marrëveshje verbale dhe transferimi pritet të finalizohet shumë shpejt.

Sipas tij, Atalanta do të përfitojë mbi pesëdhjetë e pesë milionë euro, si dhe një përqindje nga shitja e ardhshme e lojtarit. Ndërkohë, Palestra do të nënshkruajë kontratë afatgjatë me klubin anglez.

Lojtari italian konsiderohet një nga talentët më premtues në pozitën e mbrojtësit të krahut. Ai mund të luajë si në të djathtë ashtu edhe në të majtë të mbrojtjes, gjë që i jep më shumë alternativa trajnerit të ri të Chelsea, Xabi Alonso.

Alonso është i përfshirë drejtpërdrejt në planet e transferimeve të klubit dhe ka qenë në kontakt të vazhdueshëm me drejtuesit për afrimet dhe largimet gjatë afatit kalimtar.

Chelsea e mbylli sezonin e kaluar në vendin e dhjetë në Premier League dhe mbeti jashtë garave evropiane. Megjithatë, kjo nuk duket se e ka penguar Palestra që të pranojë kalimin në “Stamford Bridge”.

Transferimi pritet të zyrtarizohet gjatë ditëve të ardhshme.