Chelsea dhe Evertoni kanë luajtur baras 1-1 në kuadër të javës së 17-të të Ligës Premier.

Pjesa e parë nuk solli shumë, por ishte Chelsea që rrezikoi disa herë.

Reece James dhe Mason Mount ishin ata që kishin raste, por nuk arritën të gjenin cakun.

Edhe në startin e pjesës së dytë rastet ishin të pakta deri në momentin e golit.

Dyshja në formë në këtë takim, Reece James dhe Mason Mount bashkëvepruan bukur mes tyre, me këtë të fundit që shënoi për 1-0.

Por avantazhi i Chelseat zgjati vetëm katër minuta, kur Anthony Gordon gjeti Jarrad Branthwaiten që shënoi për 1-1.

Deri në fund nuk kishte gola edhe pse Chelsea rrezikoi disa herë.

Me këtë barazim Chelsea mbetet në vendin e tretë me 37 pikë, ndërsa Evertoni mbetet në vendin e 14-të me 19 pikë.