SPORT

Boksierët kosovarë sërish s’lejohen të hyjnë në Serbi, kësaj radhe edhe pa simbole të Kosovës

Komiteti Olimpik i Kosovës ka bërë të ditur se Serbia edhe pas tentimit të dytë nuk i ka lënë ekipin e boksit nga Kosova të futen në shtetin serb.

Sipas komunikatës së KOK-ut, Kosova nuk po lejohet të hyjë në Serbi edhe pasi kanë hequr uniformen me simbole shtetërore – arsyetim të cilin e kishin dhënë policia serbe për moslejimin për të hyrë në shtetin serb, shkruan lajmi.net

KOK në komunikatë thotë se “edhe pa simbole shtetërore në veshjet sportive, ekipi nuk u lejua të kalonte kufirin”.

Sekretari i përgjithshëm i Federatës së Boksit të Kosovës, Latif Demolli, ka thënë për KOK-un se arsyetimi i policisë serbe ishte se delegacioni ynë ka hyrë në sistem dhe Qeveria e Serbisë nuk lejon hyrjen e tyre.

KOK menjëherë ka njoftuar AIBA-n dhe KON-in për veprimin e Qeverisë serbe, të cilin e konsideron kryekëput politik dhe që tenton me çdo kusht t’ua mohojë garimin boksierëve tanë në Botëror.

Komunikata e plotë e KOK-ut:

❌Ekipit i boksit🥊🇽🇰 sërish nuk lejohet të hyjë në Serbi❗

As për herën e dytë, ekipi i boksit të Kosovës, nuk është lejuar të hyjë në Serbi, për të marrë pjesë në Kampionatin Botëror të boksit, që nesër nis në Beograd të Serbisë.

Pas konsultimeve mes KOK-ut, AIBA-s dhe Komitetit Olimpik Ndërkombëtar, dhe me rekomandim të AIBA-s, ekspedita e boksit u nis sonte drejt pikës kufitare në Merdarë, pa veshur uniformën me simbole tonat shtetërore, arsyetim që policia serbe e kishte gjetur në tentimin e parë në kufirin tek ‘Dheu i Bardhë’.

Mirëpo, edhe pa simbole shtetërore në veshjet sportive, ekipi nuk u lejua të kalonte kufirin.

Sekretari i përgjithshëm i Federatës së Boksit të Kosovës, Latif Demolli, ka thënë për KOK-un se arsyetimi i policisë serbe ishte se delegacioni ynë ka hyrë në sistem dhe Qeveria e Serbisë nuk lejon hyrjen e tyre.

KOK menjëherë ka njoftuar AIBA-n dhe KON-in për veprimin e Qeverisë serbe, të cilin e konsideron kryekëput politik dhe që tenton me çdo kusht t’ua mohojë garimin boksierëve tanë në Botëror.

Shfaq më shumë
//cdrvrs.com/4/3473483