Para pak ditësh kryeministri i Kosovës Albin Kurti njoftoi për një telefonatë me Sekretarin Amerikan të Shtetit Antony Blinken ku tha se u fol për dialogun Kosovë- Serbi pa dhënë shumë detaje.

Sot, Emisari Gabriel Escobar në një intervistë për RTS tha se Sekretari i Shtetit i ka kërkuar Kurtit ta shtyjë afatin për targat. Të njëjtën e ka bërë edhe QUINT sot.

“Biseda jonë për këtë është ende në një fazë të ndjeshme. Shpresoj shumë që do të zgjasin afatin, shpresoj se do të pranojnë kërkesën e vendeve të Quintit dhe kërkesën personale të Sekretarit të Shtetit për ta shtyrë atë për ta bërë zbatimin më pak kaotik dhe për të krijuar kushtet për zbatimin e duhur” tha Escobar.