Blerta Zeqiri është emëruar drejtore e Qendrës Kinematografike e Kosovës.

Këtë e ka bërë të ditur kryeministri Albin Kurti, përmes një postimi në profilin e tij në rrjetin social Facebook.

“Me Blertën në krye të QKK-së fuqizohet tutje reforma jonë në kinematografi”, ka shkruar Kurti.

Postimi i tij i plotë:

Blerta Zeqiri nga sot drejtore e Qendrës Kinematografike të Kosovës.

Bashkë me ministrin Çeku, në zyrën time pritëm drejtoren e sapozgjedhur të Qendrës Kinematografike të Kosovës, regjisoren Blerta Zeqiri.

Blerta është ndër emrat më të suksesshëm në kinematografinë e Kosovës. Ajo njihet për cilësinë e krijimtarisë dhe kontributin për zhvillimin e sektorit të filmit. Blerta nisi një angazhim të ri, duke e bartur zërin dhe potencialin e komunitetit brenda institucionit më të lartë të filmit.

Me Blertën në krye të QKK-së fuqizohet tutje reforma jonë në kinematografi. Me buxhet të rritur për prodhim të filmit dhe ligjin e ri në prag të miratimit përfundimtar, kinematografia jonë do të arrijë nivele të reja të suksesit ndërkombëtar.