Real Madridi e ka ngushtuar epërsinë ndaj Manchester Cityt në Etihad Stadium (2-1), në sfidën e parë gjysmëfinale të Ligës së Kampionëve.

Pas një fillimi të furishëm dhe dominimi total të vendasve, Los Blancos kanë arritur që të rikthehen në lojë duke e ngushtuar rezultatin.

Rezultati u zhbllokua në minutën e dytë të takimit me golin e Kevin De Bruyne me kokë pas harkimit të Riyad Mahrez.

Epërsia u dyfishua me realizmin e Gabriel Jesus pas asistimit të De Bruyne (11’), ndërsa dominimi i nikoqirëve vazhdoi.

Sidoqoftë, nuk mund të mungonte goli i Karim Benzemas në këtë sfidë, i cili e shënoi golin e parë të Mbretërve pas harkimit nga Ferland Mendy (33’).