Pedri është një nga futbollistët më të mirë të Barcelonës në vitet e fundit, por edhe një nga më në formë.

Zyrtarët e Barcelonës do të mbajnë një takim gjatë mbrëmjes së sontme për të diskutuar më shumë për zgjatjen e kontratës së Pedrit , sipas Mundo Deportivo.

Blaugranët janë të etur për të lidhur mesfushorin e ri me një kontratë afatgjatë, me kontratën e tij aktuale që skadon në vitin 2026.

Hierarkia aktualisht po planifikon t’i japë atij një zgjatje të re që do të jetë deri në vitin 2029 ose 2030.

Pedri ka shfaqur dëshirën për të qëndruar te Barça për një kohë të gjatë dhe drejtuesit e Blaugranas do të zhvillojnë më shumë bisedime për kohëzgjatjen e kontratës dhe pagën e tij në takim.

Mesfushori 22-vjeçar ka bërë 18 paraqitje për Barçën deri më tani këtë sezon, duke shënuar tre gola dhe duke dhënë dy asistime në të gjitha garat.