Për shkak të plagosjes së dy personave serbë në Shtërpcë, për të cilin është arrestuar tashmë autori, në ditën e dytë të Krishtlindjeve do të mbahet protestë në Shtërpcë, njoftoi kryetari i kësaj komune dhe -Zyrtari i Listës Serbe, Dalibor Jevtiq.

Protesta është caktuar për të njëjtën ditë dhe në të njëjtën kohë kur kundërshtarët e veprimeve të autoriteteve serbe dhe Listës Serbe në veri kanë paralajmëruar grumbullimin e tyre në Mitrovicë.

“Protesta jonë kundër asaj që ndodhi me Stefanin dhe Milloshin, gjithçka që na ka ndodhur së fundmi, nuk ka përfunduar. I kemi hequr bllokadat, por ka ende inat te të gjithë ne. Të dielën, më 8 janar, në ditën e dytë të Krishtlindjeve, mblidhemi në Shtërpcë para Shtëpisë së Kulturës, në orën 12:00. Në mënyrë unike dhe së bashku, do të dërgojmë mesazhin se na ka ngopur terrori dhe urrejtja, se duam vetëm paqen dhe të jemi në rrugën tonë! Paqja e Zotit, Krishti lindi!”, tha Jevtiq.